Irrati bidezko pakete-zerbitzu orokorra (GPRS)
GPRS zerbitzuak telefono mugikorraren bidez Internetera
konektatu eta informazioa jaso eta bidaltzea ahalbidetzen du. Teorian, 171,2
kbps arteko abiadura eskain dezake, baina hori une jakin batean erabiltzaile
bakarra izango balitz lortuko litzatekeen abiadura da. Izan ere, GPRS
zerbitzurako esleitutako irrati-baliabideak informazioa transmititzen ari den
bitartean soilik erabiltzen dira, eta horrek baliabide bera erabiltzaile
askoren artean partekatzeko aukera ematen du; hartara, posible da hainbat
erabiltzailek banda-zabalera eta zelula bera erabiltzea. Hori dela eta, 20-50
kbps-ko transmisio-abiadura lortzen da normalean.
GPRS zerbitzuak berehalako konexioa ahalbidetzen du;
horregatik esan ohi da GPRSren erabiltzaileek 'etengabeko konexioa' dutela.
Gainera, zerbitzuaren benetako erabileraren araberako tarifak ezar daitezke;
hots, konexio-denboraren ordez, bidali edo/eta jasotako ddatu‑kopurua
erabil daiteke tarifa finkatzeko.