Komunikazio mugikorretako sistema orokorra (GSM)
GSM estandarra
teknologia digitalean eta TDMA teknologian (denbora-zatiketa bidezko sarbide
anizkoitza) oinarrituta dago. 1980ko hamarkadan garatu zuten, eta 1992an
erabili zen lehengo aldiz. Dena den, etengabe garatzen ari da, eta hirugarren
belaunaldiko GSM estandarrak, ahotsa eta testu-mezu laburrak (SMS) bidali eta
jasotzeaz gain, multimedia-mezuak transmititzeko aukera eta Interneterako
sarbide azkarra ere eskaintzen ditu.
GSM estandarraren
ezaugarririk nabarmenetakoa roaming
zerbitzua da. Zerbitzu horrek, besteak beste, nazioarteko 170 herrialde
baino gehiagotan telefono-zenbaki bera erabiltzeko aukera ematen du. Lurreko
oinarri-estazioek estaldurarik bermatzen ez duten tokietan,
komunikazio-sateliteen bidezko estaldura eskaintzen da.
GSM estandarra
darabilten telefono mugikorrak programatzeko, erabiltzailearen kontuari buruzko
informazioa gordetzen duen SIM txartela ipini behar da telefonoan.