URL helbidea
URL helbide bat
nabigatzailean idatziz gero, helbide horrekin erregistratuta dagoen webgunea
bistaratzen da. Gainera, URL helbideak web-orrietan txertatuta ere agertzen
dira, hipertestu gisa, beste web-orri batzuetara lotura egiteko.
Nolanahi ere, URL
helbide guztiek ez dituzte aurrerago aipatutako atal horiek guztiak izaten.
Esate baterako, hauxe da Euskaltelen Interneteko helbidea: http://www.euskaltel.es; http:
protokoloa da eta www.euskaltel.es
domeinu-izen osoa. Hau da, webgune bateko orri nagusia bistaratzeko, aski da
protokoloa (ez nahitaez) eta domeinu-izen osoa idaztea. Gune horretako
fitxategi bat bistaratu nahi izanez gero, ostera, azpidirektorioa(k) eta
fitxategiaren izena ere zehaztu behar dira.
Interneteko protokolo
lehenetsia HTTP (hipertestua
transferitzeko protokoloa) da; hots, protokoloa berariaz adierazten ez
bada, nabigatzaileak HTTP protokoloa adierazi nahi izan dela ulertzen du. Dena
den, beste zenbait protokolo era badira: FTP (fitxategiak transferitzeko protokoloa), NNTP (sareko berriak trukatzeko protokoloa), Telnet protokoloa, SMTP (posta
transferitzeko protokoloa), eta abar.